Դիլիջան

Քաղաքի մասին

Դիլիջանը Աղստև գետի հովտում գտնվող հարմարավետ քաղաք է, որը գտնվում է Հայաստանի մայրաքաղաքից 100 կմ հեռավորության վրա։ Այն շրջապատված է Ազգային պարկի անտառներով և հանդիսանում է տարածաշրջանի կարևոր ուղիների և մշակութային ճյուղերի հատման կետը, պատմական և բնության տեսարժան վայրերի կենտրոնը։

Այսօր Դիլիջանը նաև Հայաստանի ամենաարագ զարգացող քաղաքներից մեկն է։ Այստեղ բացված առաջատար կրթական կենտրոնների շնորհիվ այն ներառվել է UNESCO-ի ուսումնառու քաղաքների համաշխարհային ցանցում։

Դիլիջանը, որը գրավիչ է և՛ զբոսաշրջիկների, և՛ ներդրողների համար, բաց է փոփոխությունների և նախաձեռնությունների համար։ Դիլիջանն այնուհանդերձ պահպանում է իր անշտապ ռիթմը և ամուր քաղաքային, համայնքային սովորությունները։ Այն նաև բարձր է պահում իր անունը որպես քաղաք, որտեղ կարելի է ապրել, արարել և հանգստանալ։